ألية التسجيل في انتخابات الهيئة التأسيسة لصياغة مشروع الدستور

لية تسجيل في انتخابات الهيئة التأسيسة لصياغة مشروع الدستور (لجنة الستين)

نقلاً عن المفوضية العليا للإنتخابات:

السنة هذه , ساهلة وبسيطة . وهي انك تبعث رسال عن طريق شبكة اليبيانة أو المدار من موبايلك تكتب فيها الرقم الوطني وتضيف اشارة # وتكتب رقم المركز الي تختارة (تلقي الرقم مكتوب على مبني المدرسة من الخارج ) او في كتيب دليل الناخب الخاص باللجنة الانتخابية اللي انت فيها وتبي تسجل وتصوت فيها , و ترسل الرساله على الرقم عشرة صفر عشرة 10010 , يجيك الرد بتأكيد التسجيل برسالة مكتوب فيها اسمك بالكامل واسم المدرسة الي سجلت رقمها ( مركز الانتخاب ) وهكي تعتبر نفسك ناخب ويحقلك المشاركة في الانتخابات الدستور لجنة 60 ,

وطبعا مكان التسجيل هو مكان الانتخاب . !!!!! .

ممكن في ناس تسأل, وين قائمة المترشحين باش نعرفوا وين نسجلوا ؟ … مافيش مشكله في النقطة هذه لانه لما تسجل توى تقدر تغير رقم المركز تبعث رساله جديدة مرة ثانية وبنفس الطريقة السابقة لكن المهم ان يكون بنفس رقم شفرة الموبايل , يردوا عليك بأنه تم تسجيلك في اسم المركز الثاني الي اخترته وكان حتى تبي تغير لمركز انتخابي ثالت عند فرصة ثانية , يعني عندك ثلاتة فرص للتسجيل لكن في فترة التسجيل المحددة (اسبوعين) بعدها يمكن التغير في فترة التعديل والإضافة وفي هذه الحالة لازم تمشي للمركز الي تبي تغير فية وتتنتخب..يستقبلك مدير المركز ويغيرلك زي ماتبي .

وكان تبي تسأل على اي حاجة بخصوص انتخابات الهيئة التأسيسة لمشروع الدستور تقدر تتصل بمركز الاتصال بالمفوضية العليا للأنتخابات على الرقم 1441. المجاني

بادر بسرعة تسجيلك من أجل مستقبل بلادك

ولاتأجل عمل اليوم إلى الغد.

This entry was posted in My Life and tagged , , , , , , , , . Bookmark the permalink.

التعليقات مغلقة